قصيدة بلسان عراقي لحكام العرب

شلكم بالعكل ..
واطفال اخذهه الموت
تسبح من دماهه وبيها ماتدرون !
ومن تصرخ الحره تريد ناس تكوم
وياصرخة الحره تنادي العنده غيره تكون !
وشلكم بالعكل ..
وانتم دمى وبيد اطفال
مثل خراعة الخضره لتجيبون لتودون !
عيون الكم متعجب تنام شلون
وبنص غزه حفلة موت
تستاهل تجون بنصهه وتركصون !
ياصحرة ضماير والكصص جلمود
بعلم اسرائيل فرحانين وتتباهون !
اشباه الرجال ولا بعد دون الدون
ودعتوا المستحه والذله الكم ثوب
وكون اعله المزابل خيبه تنذبون
بوكت الحجي واحدكم ابن شداد
وبوكت الصدك نعامه وروسكم تخفون
ياامة عرب .. يادين يا ا سلام
ملوك وقاده تخدمكم يابني صهيون
ياذله اعله ذله وعار خلف عار
يخدام الكراسي لياوكت تبقون !
ذيوله وابد مايوم تصبح راس
يعمي عيون انتو وما اظن تفتحون
عجوز بغزه دمعتها تساوي الكون
وانتو جفوفكم تركص وسط جف شارون
ياعار الزمن والخجل عنكم وين
عالذل موبديكم فرض بيه ترضون
ياحسني الامبارك يافهد يافلتان
ياخيبه شكبره وعشعشت عالكون
باجر من يجي ومن يحجي التاريخ
ياخيبة زمنكم بالله شتكولون ]

ياحسني الامبارك يافهد يافلتان
ياخيبه شكبره وعشعشت عالكون
باجر من يجي ومن يحجي التاريخ
ياخيبة زمنكم بالله شتكولون

قصيده رائعه ومعقده الالفاظ بعض الشي
cheers

يسلم مروك العريقي

أكيد معقدة لأنها بلسان عراقي

مشكور روزا على هالقصيدة

ولو إني ما فهمت أغلب الكلمات العراقيه